Milad Kasultanan Banjar Nang ka-509

TVRI Kalsel, Martapura -- Raja-Raja wan Sultan nang umpat Karapatan Raja-Sultan sa-Borneo ayungannya mamilih Sultan Banjar Khairul Saleh jadi Sakutaris Jindral, mambarinya galar “Yang Dipertuan Agung”. Sudah jua diulah Anggaran Dasar wan Anggaran Rumah Tangga (AD/ART), sagan ingkutan bagawi.

Mobil Branding Calun Wakil Rakyat

TVRI Kalsel, Banjarmasin -- Bujur ditangati maandak gambar di mutur wan taksi angkutan umum, tagal calun wakil rakyat kada habis akal. Sapalihan maandak gambarnya di mutur. Basa lautnya, “mobil branding”. Tukang ulah mobil branding di Banjarmasin kada kasintakan hinak, marga kabanyakan gawian.

Ombudsman Minta, Rumah Sakit Managur Duktur Nang Unjuk Rasa

TVRI Kalsel, Banjarmasin -- Ombudsman Parwakilan Kalimantan Selatan maanggap unjuk rasa bubuhan duktur, kada patut. Ombudsman minta, rumah sakit managur duktur nang unjuk rasa. Wayah bubuhan duktur unjuk rasa, Ombudsman langsung mandatangi rumah sakit nang ada di Banjarmasin, tamasuk Rumah Sakit Ulin. 

Supir Unjuk Rasa, Taksian Pal Anam Sunyi

TVRI Kalsel, Banjarmasin -- Supir Taksian Pal Anam, Banjarmasin, turunan pulang baunjuk rasa. Bubuhannya indah taksian dipindah ka Pal Tujuh Blas, Kabupaten Banjar.

Sahari Imbah Unjuk Rasa, Supir Taksian Pal Anam Bacari Pulang

TVRI Kalsel, Banjarmasin -- Sahari imbah bubuhan supir unjuk rasa, isuknya Taksian Pal Anam, Banjarmasin, sudah tabulik asal. Taksi kuning, taksi L-300 wan bis samunyaan jurusan nang ada di Taksian Pal Anam sudah baangkutan pulang.

Supir Unjuk Rasa, Panumpang Tapamalam di Taksian Pal Anam

TVRI Kalsel, Banjarmasin -- Mulyana, calun panumpang bis asal Sampit nang handak ka Samarinda, paksa tamandak di Taksian Pal Anam, Banjarmasin, marga bubuhan supir unjuk rasa ka DPRD Kalimantan Selatan.

Banyu Pucirin TPA Basirih Masuk ka Sumur Warga

TVRI Kalsel, Banjarmasin -- Wayah turun hujan, urang Kampung Handil Palung asa marista. Banyu pucirin matan TPA Basirih masuk ka sumur wan banyu mandi warga. Ayungannya, warga ngalih mandi, batatapas wan bababasuh. Bujur masih tamasuk Banjarmasin, tagal pipa PDAM Bandarmasih baluman sampai di Kampung Handil Palung. Ujar Katua RT-nya, warga sudah rancak balapur ka Pamarintah Banjarmasin, tagal kadada hasilnya.

Lampu Kartak di Banua Banjar Banyak Nang Kada Banyala

TVRI Kalsel, Banjarmasin -- Ujar P.T. PLN, listrik di banua Banjar, Kalimantan Selatan, sudah labihan. Listrik sagan urang banyak, nang kaya lampu kartak, mustinya banyala haja wayah malam.

40 Tahun Maambil Upah Mambaiki Payung

TVRI Kalsel, Banjarmasin -- Wayah ini, maambil upah mambaiki payung kada sarami bahari. Tagal, magun ada haja lagi nang manggawi. Muhammad Fadlan Binson, nang sudah 40 tahun labih maambil upah mambaiki payung, bapadah, musim hujan babarakat banar sagan tukang payung. Nang mambaiki payung lawan sidin, di pinggir kartak Jalan Ahmad Yani, Pal 4,5, Banjarmasin, tabanyak pada biasanya.

Nini Saidah, Tukang Ulah Hatap Rumah

TVRI Kalsel, Tanah Laut -- Daun rumbia magun haja dipakai warga banua Banjar sagan hatap rumah. Rumah warga Kampung Kuala Tambangan, Takisung, Tanah Laut, sapalihan magun haja bahatap rumbia.

Aturan Sagan Manjaga Tanah Pahumaan di Banua Banjar

TVRI Kalsel, Banjarmasin -- Pamarintah Parupinsi Kalimantan Selatan pacangan baulah Aturan Dairah sagan manjaga tanah pahumaan nang ada di banua, sakira jangan diubah jadi kabun atawa parumahan.

Bamandi-mandi di Malam Tahun Baru Islam 1435 Hijriyah

TVRI Kalsel, Banjarmasin -- Banyak adat budaya urang Banjar gasan manyambut Tahun Baru Islam. Mandi banyu kambang di malam Tahun Baru Islam sudah kabiasaan kulawarga Gusti Firmansyah, nang bagana di Sultan Adam Permai, Banjarmasin. Saban malam Tahun Baru Islam, inya mamandi’i dingsanak, kulawarga wan mamarinanya.

Nang Minta Surat Ijin Kawin, Babanyak

TVRI Kalsel, Banjarmasin -- Kalakuan bubuhan nang anum-anum di Banjarmasin sapalihan sudah sasain liwar. Bangat banar. Sudah sasain bibas. Marga balum cukup umur, banyak nang minta surat ijin kawin di Pangadilan Agama Banjarmasin. Surat ijin kawin diminta di Pangadilan Agama, gasan mangawinakan anak nang balum cukup umur.

Sudah Ditangati, Magun Haja Basarakan

TVRI Kalsel, Banjarmasin -- Sabujurnya, gawian Pangadilan Agama kada sahibar maurus urang laki-bini nang handak sarak. Nang iyanya, sabujurnya manangati, supaya urang kada jadi sarak, supaya babulikan.

Sasain Banyak Warga Banjarmasin Nang Sarak

TVRI Kalsel, Banjarmasin -- Sasain tahun, warga Banjarmasin nang basarakan, sasain banyak. Kada tahu jua, apa marganya. Tagal, Pangadilan Agama Banjarmasin sudah manangguh jua.

Seni Budaya Banjar Masuk Kurikulum Pandidikan di Banua

TVRI Kalsel, Banjarmasin -- Malihat banyaknya seni budaya Banjar di banua Kalimantan Selatan, Parasidin RI Susilo Bambang Yudhoyono (SBY), rahat mambuka “Kongres Budaya Banjar” nang katalu di Mahligai Pancasila samalam, bapitua: seni budaya Banjar hingkat dimasukakan ka kurikulum pandidikan di sakulahan.

KPU wan Kamantrian Dalam Nagri Musti Barasuk

TVRI Kalsel, Banjarmasin -- Pamilu nang gasan mamilih calun wakil rakyat tinggal hitungan bulan, tagal Daptar Pamilih Tatap (DPT) magun haja baluman ru’us. Mun kada tuntung inggan parak harinya, salah-salah kaina bisa ada nang culas.

Hujan Ulahan di Banua

TVRI Kalsel, Banjarbaru -- Gasan mangurangi palak nang timbul di banua marga kukus api, Pamarintah Parupinsi Kalimantan Selatan, BPPT wan P.T. PLN maulah hujan. Hasilnya, sudah mandua mingguan (sabaluman SBY datang ka banua samalam), palak kukus api bakurang. Hujan bamula turun di banua. 

Aturan Gasan Bajakat di Banjarmasin

TVRI Kalsel, Banjarmasin -- Aturan Dairah nang diulah DPRD Banjarmasin gasan warga nang handak bajakat, layat jua urusannya. Nang talayat dipandirakan, pariannya siapa haja kaina nang cagar dipintai jakat, siapa nang tapatut manarima. Lain pada itu, siapa jua kaina nang jadi amil jakatnya, pagawai nagri atawa swasta.

Pergelaran musikalisasi puisi Sanggar Lawang Banjarmasin, "Borneo in Memoriam", Gedung Balairung Sari, Taman Budaya Kalsel, Banjarmasin (2011). (*)

Moderator diskusi dan baca puisi "Presiden Penyair Indonesia", Sutardji Calzoum Bachri. Aruh Sastra Kalimantan Selatan (ASKS) III, Kabupaten Kotabaru (2006). (*)

Baca puisi pada diskusi buku "Sang Pelintas Batas, Biografi Djohan Effendi" (Ahmad Munif A.F., editor), Gedung Banjarmasin Post, Selasa, 30 Oktober 2012. (*)

Kenangan bersama kawan-kawan. (*)

Teater tradisi mamanda, "Campala Ambun", Hari Jadi Sanggar Lawang Banjarmasin ke-19. Halaman Taman Budaya Kalsel, Banjarmasin, 17 Februari 2013. (*)