Hawa di Banua Banjar Sudah Rigat Banar

TVRI Kalsel, Banjarmasin -- Imbah diukur Badan Lingkungan Hidup Dairah (BLHD) Kalimantan Selatan, gawi sabumi lawan Hiperkes, Labkes, BBTKL wan Baristand Industri Banjarbaru, hawa di Bumi Lambung Mangkurat sudah kada barasih lagi. Rigat banar. Sapalihan bahabu wan bakalalatu. Kukus api liwar palaknya.

Wayah diukur BLHD (16-17/9/2014), hawa nang rigat sudah hitungan 189,7 -- tabanyak pada nang samustinya, nang tangah dua ratus haja. Ujar puhun gawi BLHD Kalimantan Selatan, Said Ali, hawa nang rigat kada baik dihiut. Marga itu, mun di luar rumah, warga musti manukupi muha lawan sapu tangan, atawa masker. Mun kada parlu banar, paraya bakunjangan atawa kaluar pada rumah.

Ada 12 wadah nang hawanya diukur BLHD Kalimantan Selatan. Nang parigatnya intangan Lapangan Ulin Syamsudin Noor, Banjarbaru, Gambut, wan di Simpang Ampat Belitung, Banjarmasin. (*) [ysas]

(“Habar Banua”, TVRI Kalimantan Selatan, Banjarmasin. Siaran Ahad, 28.09.2014, Pukul Lima kamarian. TVRI Kalimantan Selatan, mahabarakan.) 

                                                                                                            

                                                                                                                                  

                                                               

300 Burungan Hutan di Banua Kamandahan

TVRI Kalsel, Banjarmasin -- Kukus palak di banua Banjar, Kalimantan Selatan, nang bilang parak saban baisukan, maulah warga sasak hinak. Nang manggah, magin marista. Untung jua, bahanu turun hujan. Marga itu, kukusnya balum bangat banar.

Inggan bulan ini haja, ada 313 titik api di banua, tabanyak pada bulan samalam, nang 119 haja. Hutan banua luasnya parak dua juta burungan, nang mandah kurang labih 300 burungan.

Ujar kapala ahui Dinas Kahutanan Kalimantan Selatan, Rahmadi Kurdi, hutan nang mandah bulan ini kada tamasuk Taman Hutan Rakyat (Tahura) Mandiangin, nang sawat mandah marga puting ruku nang dibuang mambarang. Ayungannya, 10 burungan labih Tahura Mandiangin kamandahan.

Ujar Rahmadi Kurdi, sakira jangan mandah lagi, samunyaan musti umpat mahawasi, supaya kada babangat. Rahmadi Kurdi balum tahu, adakah nang bakurinah manyalukut hutan? Mun kadapatan, urangnya musti ditangkap. Sakira jara. (*) [ysas]

(“Habar Banua”, TVRI Kalimantan Selatan, Banjarmasin. Siaran Ahad, 28.09.2014, Pukul Lima kamarian. TVRI Kalimantan Selatan, mahabarakan.) 

            

Hukum Nang Manyalukut Hutan!

TVRI Kalsel, Banjarmasin -- Sasain lawas, kukus palak sasain bangat di banua. Magin wayah baisukan, kukus liwar palaknya. Murid sakulah di Martapura wan Banjarbaru ada nang rabah, manggah, siup tahiut kukus. Mun kada hawas panjanak, nang bakandaraan gin bisa baranjahan.

Wakil rakyat di DPRD Kalimantan Selatan, Soraya, asa hara jua hati. Soraya nang barumah di Martapura, katimpaannya jua, mun wayah baisukan bamutur ka DPRD Kalimantan Selatan di Banjarmasin. Marga itu, inya akur haja mandangar niat Pamarintah Kalimantan Selatan maulah hujan. Tagal, ujarnya, nang manyalukut hutan musti dihukum, sasuai aturan. 

 

Tumatan Tahun 2008, Pamarintah Kalimantan Selatan sudah baisi Perda, nang manangati siapa haja manyalukut hutan wan pahumaan. Nang katangkapan, pacang didanda -- paling banyak Rp 50 juta. (*) [ysas]

(“Habar Banua”, TVRI Kalimantan Selatan, Banjarmasin. Siaran Ahad, 28.09.2014, Pukul Lima kamarian. Ratna Sari Dewi, Fauzi Ipau, TVRI Kalimantan Selatan, mahabarakan.) 

Hubnur, Bupati wan Walikota Dipilih DPRD

TVRI Kalsel, Banjarmasin -- Banyak nang katuju, tagal banyak jua nang kada katuju. Katuju-kada-katuju, mun taparukui, tanggal salawi (25/09/2014) kaina DPR RI di Jakarta pacangan mancatuk Undang-Undang, nang maatur supaya hubnur, walikota wan bupati dipilih DPRD. Alasannya, sakira kada haran banar di duit. Ujar nang katuju, mun hubnur, walikota wan bupati langsung dipilih rakyat, haran banar duitnya.

Damintu ujar nang umpat jadi puhun gawi Koalisi Merah Putih (KMP) matan Partai Golkar, Aburizal Bakeri, rahat halal bihalal lawan bubuhan Partai Golkar Kalimantan, di Banjarmasin.

Lain Aburizal Bakeri, lain pulang Walikota Banjarmasin, Muhidin. Muhidin indah mun hubnur, walikota wan bupati dipilih DPRD. Alasannya, tabulik pulang nang kaya bahari.  

Syahrani Ambo Oga, puhun gawi Uniska Banjarmasin nang suwah jadi kapala ahui KPU Kalimantan Selatan, baucap damintu jua. Ujarnya, mun hubnur, walikota wan bupati dipilih DPRD pulang, sama ai mawaluhi warga.

Sudah sapuluh tahun hubnur, walikota wan bupati langsung dipilih rakyat. Mun ada kakurangannya, mustinya aturan wan tata caranya dibaiki bagimitan. Tumatan bahari kala, pariannya, Pambakal di banua Banjar langsung dipilih warga, kada diwakilakan. (*) [ysas]

(“Habar Banua”, TVRI Kalimantan Selatan, Banjarmasin. Siaran Ahad, 14.09.2014, Pukul Lima kamarian. Syahril Malik, TVRI Kalimantan Selatan, mahabarakan.) 

Haraga LPG Naik, Urang Warung Jingkar

TVRI Kalsel, Banjarmasin -- Nang bawarung nasi asa marista banar imbah haraga LPG nang ukuran 12 kilu naik. Ujar nang bawarung nasi, Asril, sudah barapa hari haraga LPG nang ukuran 12 kilu naik. Rajin haraganya Rp 110 ribu haja satabung, wayah ini Rp 132 ribu. Hari-hari, inya mamakai 2 tabung LPG nang ukuran 12 kilu gasan bamasak.

Ujar Asril, imbah haraga LPG naik, haraga makanan nang dijualnya kada kawa sakahandaknya dinaikakan. Urang bisa bukahan -- kada jadi makan. Marga itu, hujungannya takurang pada biasanya.

Asril handak, lamunnya kawa, haraga LPG dibulikakan ka asal. Mun haraganya naik tarus, urang warung kada kawa manyandang. Bisa jingkar. (*) [ysas]

(“Habar Banua”, TVRI Kalimantan Selatan, Banjarmasin. Siaran Ahad, 14.09.2014, Pukul Lima kamarian. Ibnu Fatih, Mawan Himawan, TVRI Kalimantan Selatan, mahabarakan.) 

                                                                                                                                  

Tukang Buang Ratik

TVRI Kalsel, Banjarmasin -- Tuyukan ratik nang saduyau nyata kada nyaman dilihat. Untungnya, Pamarintah Banjarmasin baisi trak nang gasan mahangkut wan mambuangi ratik. Satrak, tukang ratiknya balima-baanam, gasan mahangkut wan mambuang ratik ka tuyukan nang pahabisan.

Tukang ratik bagawi tumatan pukul lima subuh, rahat urang sapalihan guringan, atawa basubuh, di masigit wan langgar. Kada gagampangan mambuang ratik nang babau haruk. Awak musti gancang, gasan manyakrup wan manimbai ratik ka atas trak. Ratik nang dibuang kada satuyukan haja. Imbah talah satuyukan, baalih pulang ka tuyukan lain.

Tukang ratik bagawi hari-hari, tumatan Sanayan inggan Ahad. Nang ngaran sudah gawian, bilang kadada parainya. Bubuhannya handak, sakira gawian talapang, traknya diganti lawan nang hanyar.

Tukang buang ratik nang bangaran Nasrullah handak, warga Banjarmasin jangan mambarang babuang ratik. Buang ratik ka wadahnya, di wadah nang ada, wayah jam-nya.

Gasan Nasrullah wan kakawalannya, upahnya mayu haja gasan mambari makani kulawarga. Tagal, bubuhannya handak, Pamarintah Banjarmasin mambantu bubuhannya umpat BPJS. Gasan bubuhannya saurang wan kulawarganya. Sakira lapang jua hinak. (*) [ysas]

(“Habar Banua”, TVRI Kalimantan Selatan, Banjarmasin. Siaran Ahad, 14.09.2014, Pukul Lima kamarian. Rachma Ainun, TVRI Kalimantan Selatan, mahabarakan.) 

Tukang Buang Ratik

TVRI Kalsel, Banjarmasin -- Tuyukan ratik nang saduyau nyata kada nyaman dilihat. Untungnya, Pamarintah Banjarmasin baisi trak nang gasan mahangkut wan mambuangi ratik. Satrak, tukang ratiknya balima-baanam, gasan mahangkut wan mambuang ratik ka tuyukan nang pahabisan.

Tukang ratik bagawi tumatan pukul lima subuh, rahat urang sapalihan guringan, atawa basubuh, di masigit wan langgar. Kada gagampangan mambuang ratik nang babau haruk. Awak musti gancang, gasan manyakrup wan manimbai ratik ka atas trak. Ratik nang dibuang kada satuyukan haja. Imbah talah satuyukan, baalih pulang ka tuyukan lain.

Tukang ratik bagawi hari-hari, tumatan Sanayan inggan Ahad. Nang ngaran sudah gawian, bilang kadada parainya. Bubuhannya handak, sakira gawian talapang, traknya diganti lawan nang hanyar.

Tukang buang ratik nang bangaran Nasrullah handak, warga Banjarmasin jangan mambarang babuang ratik. Buang ratik ka wadahnya, di wadah nang ada, wayah jam-nya.

Gasan Nasrullah wan kakawalannya, upahnya mayu haja gasan mambari makani kulawarga. Tagal, bubuhannya handak, Pamarintah Banjarmasin mambantu bubuhannya umpat BPJS. Gasan bubuhannya saurang wan kulawarganya. Sakira lapang jua hinak. (*) [ysas]

(“Habar Banua”, TVRI Kalimantan Selatan, Banjarmasin. Siaran Ahad, 14.09.2014, Pukul Lima kamarian. Rachma Ainun, TVRI Kalimantan Selatan, mahabarakan.) 

Manabusi Warga Banua Banjar di Saudi Arabia

TVRI Kalsel, Banjarmasin -- Pamarintah Kalimantan Selatan pacangan bacucuk buku, mancari akal, dimapa cara manahuri -- bayar diyat saari -- gasan manabusi anam warga banua Banjar nang cagar dihukum mati di Saudi Arabia.

Ujar Kapala ahui Dinas Tanaga Karja dan Transmigrasi (Disnakertrans) Kalimantan Selatan, Antonius Simbolon, Pamarintah Saudi Arabia kada jadi mahukum mati anam warga banua nang bagawi di sana, asal bayar diyat saari Rp 1,2 miliar. Marga itu, Pamarintah Kalimantan Selatan rahat mamikirakan, dimapa mancariakan duitnya. Adakah duit pamarintah nang kawa dipakai.

Lamunnya kadada, ujar Antonius Simbolon, kawakah upuan -- bapintaan duit lawan warga -- nang hasilnya kaina gasan manabusi bubuhannya. Ujar habar, inggan ini anam warga banua tu wigas haja. Kaanamnya baandah wan dihawasi Kadutaan Indunisia di Saudi Arabia. (*) [ysas]

(“Habar Banua”, TVRI Kalimantan Selatan, Banjarmasin. Siaran Ahad, 14.09.2014, Pukul Lima kamarian. Rini Muliana, Fauzi Oku, TVRI Kalimantan Selatan, mahabarakan.) 

2 Jamaah Calun Haji Banua Batal Tulak

TVRI Kalsel, Banjarmasin -- Inggan ini, matan 3.050 jamaah calun haji (JCH) banua Kalimantan Selatan, 2 JCH batal tulak. Ujar puhun gawi urusan haji wan umrah Kamantrian Agama Kalimantan Selatan, Syukriansyah, 2 JCH asal Barito Kuala batal tulak, marga urangnya maninggal dunia.

Sakira mayu jatah, kaduanya diganti lawan JCH lain, nang umurnya tatuha. Supaya JCH banua tatap tulakan, sasuai jatahnya.

JCH banua nang panuhanya umur 104 tahun, asal Hulu Sungai Utara (HSU). Nang paanumnya umur 18 tahun. JCH nang tulak panambaian pacangan masuk Asrama Haji di Banjarbaru, 17 Saptimbir, minggu dihadap. Tulaknya 18 Saptimbir, Pukul 2 subuh. (*) [ysas]

(“Habar Banua”, TVRI Kalimantan Selatan, Banjarmasin. Siaran Ahad, 07.09.2014, Pukul Lima kamarian. TVRI Kalimantan Selatan, mahabarakan.) 

Jambatan Gantung di Balangan

TVRI Kalsel, Balangan -- Warga Bumi Sanggam nang diam di unjut kampung manakunakan nasipnya lawan Pamarintah Balangan. Sudah barapa tahun jambatan gantung pagat, balum ada tatangar pabila jua pacangan dibaiki.

Jambatan gantung tamasuk panyawaan gasan warga RT 2, Kampung Kambiyain, Tabing Tinggi, Balangan -- talung puluh pal jauhnya pada Paringin.  2 buah jambatan gantung pagat dapatnya ba’ah, tahun 2005 wan 2007 samalam.

Ujar warga, saminggu imbah jambatan pagat, datang trak nang mambawa wasi gasan mambaiki jambatan. Tagal, inggan ini, jambatannya kada dibaiki. Wasinya tatuyuk. Batagar. Tatukup kumpai.

Kalawasan mahadang, warga bahandip, baulah jambatan paring. Pungkalanya, mun banyu pasang, warga kada kawa manyubarang. Jambatannya larut dibawa banyu nang landas. Ayungannya, warga takurung, kada kawa kaluar kampung. Lain pada jambatan gantung, ada jua jalan lain. Tagal, kajajauhan. Jalan gunung. Kawa gasan bajalan batis haja, kada kawa bakandaraan. (*) [ysas]

(“Habar Banua”, TVRI Kalimantan Selatan, Banjarmasin. Siaran Ahad, 07.09.2014, Pukul Lima kamarian. Matan Paringin, Fitri, TVRI Kalimantan Selatan, mahabarakan.) 

                                                                                                                  

Banyu Buangan Pambasuhan

TVRI Kalsel, Banjarmasin -- Bahari, banyu pambasuhan dibuang urang haja ka barumahan atawa batang banyu. Ayungannya, sungai bakipit. Wayah ini, banyu buangan pambasuhan di rumah warga Banjarmasin nang bapuluh-puluh kubik sahari, kawa gasan pupuk.

Wayah ini ada alat nang gasan mambarasihi banyu buangan pambasuhan. Ngaran basa lautnya, “filter press”. “Filter press” hingkat manyaring banyu wan daradaknya. Imbah tatuyuk, daradak jadi luluk. Luluk jadi tanah, nang ayungannya hingkat gasan pupuk tanaman. Banyunya jaranih pulang. Banyu nang sudah jaranih, baik banar gasan maingu iwak.

Ujar kapala ahui PDAM Bandarmasih, Muslih, “filter press” hingkat mambarasihi banyu buangan pambasuhan rumah, ampat kubik, hari-hari. Tagal, bujur baik banar gasan pupuk, tanahnya kada tapi tapakai. Lamunnya ada warga banua nang handak minta tanah buangannya, PDAM Bandarmasih mambariakan haja. (*) [ysas]

(“Habar Banua”, TVRI Kalimantan Selatan, Banjarmasin. Siaran Ahad, 07.09.2014, Pukul Lima kamarian. Rini Muliana, Fauzi Oku, TVRI Kalimantan Selatan, mahabarakan.) 

Lomba Bakisah Bahasa Banjar Tentang Pelayanan Publik

Masyarakat Banjar memiliki tradisi lisan yang kuat. Sejumlah seni budaya daerahnya mengandalkan tradisi lisan, dalam bentuk pantun, bakisah (bercerita), lamut (teater tutur) dan madihin (sastra lisan). Mengingat kekayaan tradisi lisan ini, Ombudsman RI Perwakilan Kalimantan Selatan melaksanakan Program Inovasi Tahun 2014, dalam bentuk Lomba Bakisah Bahasa Banjar Tentang Pelayanan Publik (LBBBTPP).

  

LBBBTPP berkaitan dengan pelayanan instansi/lembaga pelayanan publik terhadap masyarakat, atau pengalaman masyarakat saat berurusan dengan instansi/lembaga pelayanan publik, dengan ketentuan sebagai berikut: 

1)      LBBBTPP terbuka untuk siswa SLTA, mahasiswa dan masyarakat umum (nonkategori) yang berdomisili di Provinsi Kalimantan Selatan. Peserta terbatas untuk 40 (empat puluh) orang.

2)      Peserta dari satu kabupaten/kota dilarang mengatasnamakan peserta dari kabupaten/kota lain, dibuktikan dengan fotokopi kartu identitas (surat keterangan/ kartu siswa SLTA/mahasiswa/KTP/SIM/paspor) yang diserahkan saat pendaftaran.

3)      Peserta menggunakan Bahasa Banjar Hulu (pahuluan) atau Bahasa Banjar Kuala, menggunakan kata-kata sopan yang sesuai dengan adab dan kepantasan. Kisah yang dibawakan harus memiliki batang tubuh/struktur cerita (ada tokoh, alur, konflik, klimaks, ending/penyelesaian), bukan curhat, apalagi asal-asalan (mangaradau).

4)      Peserta dapat mengisahkan pengalaman pribadi atau pengalaman orang lain saat berurusan dengan instansi/lembaga pelayanan publik -- atau sebaliknya, pengalaman instansi/lembaga pelayanan publik ketika melayani masyarakat.

5)      Calon peserta mendaftarkan diri (setiap hari/jam kerja) di Sekretariat Panitia Pelaksana: Ombudsman RI Perwakilan Kalimantan Selatan, Jalan Sultan Adam Nomor 23, RT 3/RW1, Kelurahan Surgi Mufti, Telepon/Faks. (0511) 3360817, Banjarmasin 70122. Pendaftaran dibuka sejak edaran ini diumumkan, ditutup Selasa, 21 Oktober 2014, Pukul 12.00 WITA. Pendaftaran tidak dipungut biaya.

6)      Peserta mengikuti technicall meeting dan pencabutan nomor tampil di Sekretariat Panitia Pelaksana, Rabu, 22 Oktober 2014, Pukul 16.00 s.d. 18.00 WITA.

7)      Durasi bakisah maksimal 7 (tujuh) menit, diawali penyampaian judul kisah yang akan dibawakan. Peserta bakisah sendirian, tanpa bantuan orang lain (dalam bentuk apa pun) dan tidak menggunakan pengeras suara (mikrofon).

8)      Dewan Juri akan menetapkan Juara I, Juara II dan Juara III; Juara Harapan I, Juara Harapan II dan Juara Harapan III; masing-masing akan menerima hadiah uang tunai Rp 2 juta, Rp 1,5 juta, Rp 1 juta; Rp 700 ribu; Rp 500 ribu dan Rp 300 ribu, termasuk plakat dan piagam penghargaan.

9)      Keputusan Dewan Juri bersifat mengikat dan tidak dapat diganggu gugat.

10)  Dewan Juri terdiri dari akademisi, seniman dan wartawan Banjarmasin.

11)  Kegiatan dilaksanakan di Gedung Balairung Sari, Taman Budaya Provinsi Kalimantan Selatan, Jalan Brigjend. H. Hassan Basry Nomor 2/43, Banjarmasin, Sabtu, 25 Oktober 2014, Pukul 08.30 WITA hingga selesai.

Hal-hal yang belum jelas dapat ditanyakan langsung di Sekretariat Panitia Pelaksana (setiap hari/jam kerja), atau melalui contact person: Sopian Hadi (081348480110), Yeni Aryani (081348536136), dan M. Firhansyah (081269108860). [ysas]

Musik Panting Mahasiswa Banjar di Yogyakarta

TVRI Kalsel, Yogyakarta -- Diam di banua urang kada musti kalumpanan lawan adat budaya warisan padatuan. Gasan bubuhan mahasiswa Banjar, Kalimantan Selatan, nang kuliah di Yogyakarta, musik panting musti diharagu wan ditampaiakan di banua urang.

Damiya aksi mahasiswa banua nang tabuat di Pawadahan Mahasiswa Kalimantan Selatan (PMKS) di Yogyakarta. Babaju adat Banjar, musik panting wan lagu Banjar didundangakan. Ngaran pawadahannya Musik Panting Dendang Banua. Sakira bapala jua, bubuhannya nanar latihan.

Ujar kapala ahuinya, Waydia Norhasanah, nang asal Tanjung, Tabalong, main musik panting tamasuk usaha mahasiswa Banjar di Yogyakarta maharagu adat budaya warisan padatuan. Kada gasan bubuhan Banjar haja. Bubuhannya rajin jua disaru urang. Mahibur warga Yogya, nang handak tahu musik panting, nang lain pada nang lain. (*) [ysas]

(“Habar Banua”, TVRI Kalimantan Selatan, Banjarmasin. Siaran Ahad, 31.08.2014, Pukul Lima kamarian. Matan Yogyakarta, Dina Qomariah, TVRI Kalimantan Selatan, mahabarakan.) 

                                                                                                     

Halal Bihalal Bubuhan Banjar di Yogyakarta

TVRI Kalsel, Yogyakarta -- Lain pada mahabarakan pambangunan di banua gasan bubuhan Banjar nang hidup di banua urang, halal bihalal Pamarintah Kalimantan Selatan lawan Karukunan Kulawarga Banjar Yogyakarta (Kakabayo) salajur gasan silaturahmi wan bamaapan.

Nang rami, wayah Wakil Hubnur Kalimantan Selatan Rudy Resnawan manakuni ngaran masakan Banjar lawan bubuhan Banjar nang bagana di Yogya. Tunggal ikungan ditakuni, tunggal ikungan manjawapi. Nang jawapannya bujur, dibari hadiah. Liwar raminya.

Halal bihalal nang ampun gawi Kakabayo wan Pawadahan Mahasiswa Kalimantan Selatan (PMKS) di Yogyakarta samalam didatangi Wakil Hubnur, Sakutaris Dairah Kalimantan Selatan wan lainnya. Wadahnya di Gedung Serba Guna Adi Sutjipto.   

Ujar Rudy Resnawan, halal bihalal ni gasan babagi habar banua gasan bubuhan Banjar nang hidup di banua urang. Kabalikannya, damintu jua, bubuhan Banjar nang hidup di banua urang, bahabar jua.

Ujar kapala ahui Kakabayo, Haji Bukhari Anang, halal bihalal nang satahun sakali ni gasan marakatakan silaturahmi bubuhan Banjar di Yogyakarta. Inggan ini, ada 500 labih urang Banjar nang tabuat di Kakabayo. Haji Bukhari Anang mamadahakan niat Kakabayo manajak Masigit Quwwatul Islam, nang parlu duit Rp 16 miliar labih. (*) [ysas]

(“Habar Banua”, TVRI Kalimantan Selatan, Banjarmasin. Siaran Ahad, 31.08.2014, Pukul Lima kamarian. Matan Yogyakarta, Dina Komariah, TVRI Kalimantan Selatan, mahabarakan.) 

                                                                                                                  

Jalan di Satui Rumbih Pulang

TVRI Kalsel, Batulicin -- Jalan di Satui Barat, Pal 169, Tanah Bumbu, tamasuk jalan antasan Kalimantan Selatan-Kalimantan Timur. Dapatnya hujan nang turun saling labatan, jalanan rumbih pulang. Siring wasi wajanya tabulangkir.

Pamarintah Tanah Bumbu musti maambil hikmahnya. Jangan lagi mambariakan parusahaan swasta manabuk batu harang di wadahya. Imbah tuntung batabuk, parusahaan kada lagi manyimpuni luang tanah bakas tabukannya. Jalan nang rumbih jadi bukti, batabuk batu harang jadi bala gasan warga. Jalan rumbih tarus.

Sudah barapa kali jalanan disiring, magun haja rumbih dapatnya hujan. Mun kada dihatiakan babanaran, jalan antasan Kalimantan Selatan-Kalimantan Timur wan kantur pamarintah bisa taumpat rumbih jua.

Wayah ditakuni TVRI, Camat Satui, H. Suwignyo, bapadah, Pamarintah Tanah Bumbu pacangan baulah jalan hanyar, dua ratus dapa jauhnya pada jalan nang ada. Panjangnya 375 dapa, luasnya 15 dapa. Satumbangan jalan lawas nang rumbih dibaiki, warga lalu lalang di jalan hanyar. Mau kada mau, musti damintu. Lamunnya kada, bilang kada kasudahannya ai. (*) [ysas]

(“Habar Banua”, TVRI Kalimantan Selatan, Banjarmasin. Siaran Ahad, 31.08.2014, Pukul Lima kamarian. Mawan Himawan, TVRI Kalimantan Selatan, mahabarakan.) 

Pasar Paringin, Balangan

TVRI Kalsel, Paringin -- Di pinggir kartak jalan Paringin, Balangan, matan Sanayan isuk kada dibariakan lagi gasan wadah bajualan. Pamarintah Balangan sudah barapa kali manangati warga bajualan di situ, tagal kada diasi. Saban Sanayan baisukan, kartak di muka Pasar Paringin sasak, hibak urang bajualan. Mun lalu intangan situ, mutur, bis Kaltim wan kandaraan nang lalu lalang, paksa bagamat.

Ujar Kapala Pasar Balangan, Ikhsan Tata Kesuma, Pamarintah Balangan sudah talalu baik awan warga. Pasar di pinggir kartak sudah lawas ada. Tumatan Sanayan isuk, nang bajualan diminta baalih ka pasar iwak di atas Pasar Paringin nang puang. Nang bajualan di sana sudah pindah ka pasar hanyar.

Ujar Ikhsan Tata Kesuma, bubuhannya sudah mamadahi warga, supaya jangan lagi bajualan di pinggir kartak. Mun kada diasi jua, cagar dipaksa. Mun indah baalih ka pasar iwak, musti bajualan di lain.

Pamarintah Balangan sudah barapa kali handak maalih pasar di pinggir kartak Paringin, tagal padagang kadada nang hakunnya. Pasar ni andaknya di Jalan Lintas Kalimantan, mangalihi bis, mutur wan kandaraan lalu lalang. (*) [ysas]

(“Habar Banua”, TVRI Kalimantan Selatan, Banjarmasin. Siaran Ahad, 24.08.2014, Pukul Lima kamarian. Matan Balangan, Fitri, TVRI Kalimantan Selatan, mahabarakan.) 

Ilung di Danau Baruh Bahinu

TVRI Kalsel, Paringin -- Tukang haragu wadah wisata Danau Baruh Bahinu di Balangan ngalu kapala dapatnya ilung wan kumpai. Ilung wan kumpai sabat banar, manukupi danau. Danau nang asalnya luas, bakipit. Nang tukang haragu bilang kada kaawakan mambarasihi.

Ujar nang tukang haragu, M. Abidin, Pamarintah Balangan sadikitannya mambari duit gasan maharagu wan mambarasihi Danau Baruh Bahinu. Marga itu, bubuhan Sadar Wisata satatayuhnya haja mambarasihi ilung wan kumpai nang sabat. Dinas Pakarjaan Umum Balangan kada manuntung jua mambarasihi. Ujar, duitnya kada mayu.

Pawadahan Sadar Wisata Baruh Bahinu kada sanggup lagi mambuangi ilung wan kumpai nang sudah diangkat ka darat. Marga itu, ilung wan kumpainya dituyuk di tabing haja. Lawas kalawasan, danaunya bakipit.

Danau Baruh Bahinu andaknya di Kampung Baruh Bahinu Dalam, Paringin Selatan. Kada jauh pada Paringin. Panjangnya mandua pal-an. Jalan nang tuju ka sana, nyaman haja. Saban hari Ahad, banyak warga nang bakunjangan ka mari. Lain pada gasan wadah raunan, Danau Baruh Bahinu dipakai warga gasan manggaduh iwak di karamba, tamasuk gasan wadah latihan balanjaan jukung.

M. Abidin handak, Pamarintah Balangan mahatiakan Danau Baruh Bahinu. Maginnya pulang, inggan ini di Bumi Sanggam balum ada undas wisata. (*) [ysas]

(“Habar Banua”, TVRI Kalimantan Selatan, Banjarmasin. Siaran Ahad, 24.08.2014, Pukul Lima kamarian. Matan Balangan, Fitri, TVRI Kalimantan Selatan, mahabarakan.) 

                                                                                                                  

Walut Gasan Tatamba Gatalan

TVRI Kalsel, Kertak Hanyar -- Urang Banjar sapalihan katuju banar makan iwak walut. Bujur nang kaya ular, walut baik banar gasan kasihatan. Walut banyak macamnya. Ada walut pahumaan, walut laut wan walut gaduhan (nang bakurinah digaduh). Tagal, kada samunyaan urang katuju makan walut. Ada jua nang galianan.

Sakalinya, walut baik banar gasan awak. Ujar Ahmadi, tumatan halui inya katuju banar makan iwak walut, nang disanga atawa dipais. Rasanya liwar nyaman. Ujarnya, iwak walut hingkat gasan tatamba gatalan.

Ujar Nurul, nang bawarung nasi di Pasar Kertak Hanyar, saban hari inya bajual masakan walut. Sahari, pais walut jualannya habis haja dua kilu. Payu banar.

Di Pasar Kertak Hanyar, walut hidup haraganya lima puluh ribu sakilu. Pais walut tujuh ribu sapundut. Gasan nang katuju makan iwak, kada salahnya sasakali marasani iwak walut. (*) [ysas]

(“Habar Banua”, TVRI Kalimantan Selatan, Banjarmasin. Siaran Ahad, 24.08.2014, Pukul Lima kamarian. Ten Umiayah, Rini Muliana, TVRI Kalimantan Selatan, mahabarakan.) 

Festival Teater Mamanda Kalimantan Selatan 2014

FESTIVAL TEATER MAMANDA KALIMANTAN SELATAN

BERHADIAH TOTAL RP 40 JUTA

Kotabaru, 27-29 November 2014

A.    Latar belakang

Hari Nusantara adalah perwujudan Deklarasi Juanda, yang diputuskan dalam Keppres Nomor 126 Tahun 2001. Deklarasi tersebut mencerminkan tekad Bangsa Indonesia untuk menyatukan lagi wilayah dan lautannya yang luas, sebagai wilayah yang utuh dan berdaulat.

Hari Nusantara mengingatkan kita, bahwa Indonesia merupakan negara kepulauan terbesar di dunia, dengan ribuan pulau yang memiliki keindahan alam dan keragaman seni tradisi, bahasa, budaya, adat istiadat dan potensi ekonomi yang dapat digali secara lebih maksimal.

Rapat Koordinasi Panitia Nasional dan Daerah Hari Nusantara XIV Tahun 2014 telah dibentuk di Kantor Gubernur Kalimantan Selatan di Banjarbaru, 15 April 2014. Rapat tersebut membahas persiapan Hari Nusantara XIV Tahun 2014, yang puncaknya akan dilaksanakan di Kabupaten Kotabaru.

Sebelum acara puncak, telah disusun aneka kegiatan, di antaranya Bhakti Sosial, Desa Inovasi Nelayan, Festival Maritim, Seminar, Dialog Interaktif, Pameran, Pawai Budaya, Festival Teater Mamanda Kalimantan Selatan, dan lain-lain.

B.     Maksud dan tujuan

Masyarakat Banjar, Kalimantan Selatan, memiliki teater tradisi mamanda, wayang gung, wayang kulit, japin carita, japin anak delapan, kuda gipang carita, bapandung (teater monolog), lamut (teater tutur), tantayungan, damarulan, pantul, babagungan, alan-alan, dan lain-lain. Meski terkadang dimainkan masyarakat Banjar yang bermukim di provinsi lain, mamanda adalah teater tradisi yang berasal dari, hidup, tumbuh dan berkembang di Tanah Banjar, Provinsi Kalimantan Selatan. Mamanda mempunyai dua aliran: Batang Banyu (mamanda Pariuk) dan Tubau (Batubau).

Mamanda mengandung seni drama, tari dan musik (sendratasik), berpola istana-sentris, dengan tokoh-tokoh Raja, Perdana Menteri, Mangkubumi, Wazir, Kepala Pertanda (Panglima Perang), Harapan Pertama (Panganan), Harapan Kedua (Pangiwa), Khadam, Inang (Amban), Permaisuri, Putera Mahkota, Puteri Raja, dan lain-lain (tergantung kebutuhan cerita). Tokoh dalam cerita mamanda dapat ditambah dengan tokoh-tokoh lain, seperti Raja Negeri Seberang, Perompak, Jin, Kompeni Belanda, dan lain-lain (tergantung kebutuhan cerita).

1.      Maksud

Guna memeriahkan Hari Nusantara XIV Tahun 2014, Dinas Pemuda, Olah Raga, Budaya dan Pariwisata (Disporbudpar) Kabupaten Kotabaru bermaksud melaksanakan Festival Teater Mamanda Kalimantan Selatan (FTMKS).

2.      Tujuan

FTMKS bertujuan menumbuhkan kebanggaan dan apresiasi masyarakat terhadap seni tradisi, terhadap kearifan lokal dan nilai-nilai budaya yang terkandung dalam teater tradisi mamanda.

3.      Bentuk dan sifat kegiatan

Kegiatan berbentuk pertunjukan teater tradisi mamanda. Kegiatan bersifat kompetisi (lomba).

4.      Waktu dan tempat kegiatan

Kegiatan berlangsung sejak hari Kamis hingga Sabtu, 27-29 November 2014, di Pantai Siring Laut, Kotabaru.

C.    Persyaratan, pendaftaran dan kejuaraan

1)      FTMKS terbuka untuk umum (nonkategori), untuk grup/komunitas/pawadahan teater yang berdomisili di Provinsi Kalimantan Selatan.

2)      Grup/komunitas/pawadahan teater dari satu kabupaten/kota dilarang mengatasnamakan peserta dari kabupaten/kota lain. Pemain di satu grup/komunitas/pawadahan teater dilarang merangkap sebagai pemain di grup/komunitas/pawadahan teater lain. Pengecualian hanya berlaku untuk pemusik/penabuh (yang boleh mendukung lebih dari satu grup/komunitas/pawadahan teater). Pelanggaran terhadap ketentuan ini akan mendapat sanksi.

3)      Tema bebas.

4)      Teater mamanda yang dimaksud adalah mamanda tradisi, mamanda Batang Banyu (mamanda Pariuk) maupun mamanda Tubau (Batubau), atau gabungan keduanya. Pertunjukan berlangsung malam hari, di tempat terbuka (dalam bentuk teater arena).

5)      Jumlah pemain, pemusik dan official tidak dibatasi. Peserta menanggung sendiri biaya transportasi PP, akomodasi dan konsumsi selama di Kotabaru.

6)      Peserta boleh membawakan naskah/cerita karangan sendiri, atau karya orang lain. Fotokopi naskah/treatment dan leaflet (berisi nama grup/komunitas/pawadahan, badan produksi, susunan pemain dan sinopsis) wajib diserahkan (masing-masing 4 rangkap) di Sekretariat Panitia Pelaksana: Jalan P. Indera Kesuma Negara (Gedung Abdi Negara), Lantai II, Telepon (0518) 21957, Kotabaru -- atau saat technicall meeting dan pencabutan nomor tampil, di Gedung Ratu Intan, Kotabaru; Kamis, 27 November 2014, Pukul 09.00-12.00 WITA. Pendaftaran ditutup Selasa, 25 November 2014, Pukul 12.00 WITA. Pendaftaran tidak dipungut biaya.

7)      Peserta mengikuti orientasi tempat (masing-masing 15 menit) di lokasi pertunjukan, Kamis, 27 November 2014, Pukul 13.00 s.d. 16.00 WITA.

8)      Durasi maksimal 60 menit. Pertunjukan diawali dengan pembacaan judul dan sinopsis cerita mamanda yang dibawakan grup/komunitas/pawadahan teater yang akan tampil (dibacakan oleh panitia pelaksana). Hitungan awal dan akhir waktu pertunjukan ditandai dengan pemukulan gong (oleh panitia pelaksana).

9)      Peserta membawa sendiri peralatan yang diperlukan (alat musik, pemusik, properties, kostum pemain, dan sebagainya). Panitia hanya menyediakan tempat pertunjukan, lampu penerangan (standar), meja raja dan lawangan sari.

10)  Panitia memberikan insentif/biaya produksi @ Rp 4 juta (dipotong pajak) kepada grup/komunitas/pawadahan teater yang menjadi peserta (diserahkan setelah peserta tampil).

11)  Dewan Juri akan menetapkan Penyaji Terbaik I, Penyaji Terbaik II dan Penyaji Terbaik III; Penyaji Harapan Terbaik I dan Penyaji Harapan Terbaik II; Aktor Terbaik, Aktris Terbaik dan Sutradara Terbaik. Pemenang akan mendapat piagam penghargaan dan hadiah uang tunai, total Rp 40 juta.

12)  Keputusan Dewan Juri bersifat mengikat dan tidak dapat diganggu gugat.

D.    Dewan Juri

Dewan Juri adalah seniman, budayawan dan praktisi teater tradisi di Kalimantan Selatan.

E.     Contact person

Hal-hal yang belum jelas dapat ditanyakan langsung kepada contact person: Anang Marendra Bayu (085249514799, pendaftaran peserta), Zain Lawang Mahar (087715658700, merekomendasikan hotel/penginapan di Kotabaru), Abdus Sukur Mh (0852400405, teknis acara/pergelaran), Iwan Lawang Slangker (081351028879, teknis acara/pergelaran), dan Y.S. Agus Suseno (085249954849, persyaratan/kriteria penilaian).

F.     Penutup

Petunjuk Pelaksanaan ini dibuat untuk kelancaran acara. Hal-hal yang belum tercantum di sini akan diatur dan disusun kemudian, sesuai dengan relevansi dan urgensinya.

Kotabaru, Agustus 2014

Tujuh Kampung di Satui, Ba'ah

TVRI Kalsel, Tanah Bumbu -- Baribu-ribu rumah warga di tujuh kampung di Satui, Tanah Bumbu, Kalimantan Selatan, kaba’ahan. Nang ba’ah Sungai Danau, Satui Timur, Satui Barat, Sinar Bulan, Jombang, Sekapuk wan Kampung Sejahtera.

Ba’ah di Satui saku marga hujan nang turun tatarusan. Ayungannya, dua ribu rumah warga, tinggalam. Tinggi banyunya mandua dapa. Warga kada hingkat baapa-apa. Nang rumahnya tinggalam paksa baandah ka wadah nang tatinggi. Kartak wan jalan kampung, tinggalam jua. Mun handak ka mana-mana, paksa bajukung. 

Lain pada hujan labat nang turun tatarusan, banyu nang turun matan Gunung Meratus, daras jua. Banyunya landas, bisa malarutakan rumah. Warga nang magun haja bagana di rumahnya, disuruh baalih ka lain, ka wadah nang tatinggi. (*) [ysas]

(“Habar Banua”, TVRI Kalimantan Selatan, Banjarmasin. Siaran Ahad, 17.08.2014, Pukul Lima kamarian. Yushar Wardana, TVRI Kalimantan Selatan, mahabarakan.)