TVRI Kalsel,
Banjarmasin -- Ujar Kapala Badan Lingkungan Hidup (BLH) Kalimantan Selatan, M.
Ikhlas, imbah tuhuk dikaji, banyu Sungai Barito sudah sasain rigat, kada
sanggup lagi manyandang racun buangan manusia di darat. M. Ikhlas asa hara
hati, banyu sungai kada barasih lagi nang kaya bahari. Sungai sudah kada
sanggup lagi manyandang racun buangan pabrik, air raksa wan macam-macam.
PDAM
Bandarmasih, nang maanggar banyunya di ukuran “A”, pacangan tapakalang jua, cagar
banyak kaluar duit sagan mambarasihi banyu, sabaluman banyunya dipakai
langganan.
Sungai Barito tamasuk
panyawaan warga di banua Kalimantan Selatan wan Kalimantan Tengah. “Bumi
Antasari” andakannya di hilir, “Bumi Isen Mulang” di hulu. Sakira banyu sungai
kada magin barigat, Pamarintah “Bumi Antasari” wan Pamarintah “Bumi Isen
Mulang” musti bacucuk buku, mamandirakan dimapa baiknya. Bisa jua nang di hilir
katimpaannya, marga rigat matan di hulu. (*) [ysas]
(“Habar Banua”,
TVRI Kalimantan Selatan, Banjarmasin. Siaran Ahad, 08/12/2013, Pukul lima
kamarian. Ratna Sari Dewi, Fauzi Oku, TVRI Kalimantan Selatan,
mahabarakan.)
Tidak ada komentar:
Posting Komentar