TVRI Kalsel, Tanah Bumbu -- Pasir pantai nang putih wan barasih kacilangan sapanjangan. Pantai Rindu Alam nang andaknya 20 pal pada Batulicin ni, nyaman dipandang. Puhun pinus tumbuh sapanjangan pantai nang 2 pal-an ni. Sakira warga nyaman bakunjangan kamari, Pamarintah Kabupaten Tanah Bumbu sudah mambaiki jalannya.
Sagan maharagu
puhun di Pantai Rindu Alam, Dinas Kabudayaan dan Pariwisata (Disbudpar) Tanah
Bumbu mambawai murid SD batanam puhun. Diharap, murid-murid SD katuju maharagu
alam lingkungan wadahnya bagana.
Ujar Kapala Ahui
Disbudpar Tanah Bumbu, H.M. Thaha, wisata Tanah Bumbu dinahapi imbah maniring
alam lingkungannya. Nang dinahapi, kada wisata pantai haja. Ada jua Guha Sugung
wan Guha Kalalawar, nang bagus banar.
Sakira magin
banyak warga bawisata ka Bumi Bersujud, Disbudpar manyurung kasanian
macam-macam suku nang ada di Tanah Bumbu. Lain pada Pantai Rindu Alam, di Tanah Bumbu ada jua Pantai Pulau Salak wan
Pantai Pagatan. (*) [ysas]
(“Habar Banua”,
TVRI Kalimantan Selatan, Banjarmasin. Siaran Ahad, 22/12/2013, Pukul lima
kamarian. Matan Tanah Bumbu, Alam, TVRI Kalimantan Selatan, mahabarakan.)
Tidak ada komentar:
Posting Komentar