TVRI Kalsel,
Banjarmasin -- Pamarintah Parupinsi Kalimantan Selatan pacangan baulah Aturan
Dairah sagan manjaga tanah pahumaan nang ada di banua, sakira jangan diubah
jadi kabun atawa parumahan.
Aturan Dairah ni
sagan maharagu tanah pahumaan nang magin badikit, marga diubah jadi kabun wan
parumahan. Mun aturannya sudah ada, kaina tanah pahumaan nang ada kada hingkat
diubah lagi.
Ujar Hubnur
Kalimantan Selatan, Rudy Ariffin, Aturan Dairah ni sagan manjaga, sakira banua
Banjar tatap jadi kindai banih Indunisia. Rudy Ariffin mangaku jua, banyak
tanah pahumaan nang ubah jadi parumahan, tamasuk sagan kabun sawit wan wadah
batabuk batu harang atawa batu bara. (*) [ysas]
(“Habar Banua”,
TVRI Kalimantan Selatan, Banjarmasin. Siaran Ahad, 17 Nupimbir 2013, Pukul lima
kamarian. TVRI Kalimantan Selatan, mahabarakan.)
Tidak ada komentar:
Posting Komentar