TVRI
Kalsel, Banjarmasin -- Banyak adat budaya urang Banjar gasan manyambut Tahun
Baru Islam. Mandi banyu kambang di malam Tahun Baru Islam sudah kabiasaan
kulawarga Gusti Firmansyah, nang bagana di Sultan Adam Permai, Banjarmasin.
Saban malam Tahun Baru Islam, inya mamandi’i dingsanak, kulawarga wan
mamarinanya.
Ujarnya,
mandi banyu kambang di malam Tahun Baru Islam 1435 Hijriyah sahibar tanda gasan
mambarasihi diri matan parigal nang kada baik tahun tadi. Banyu mandi-mandi
ibarat gasan mambuangi daki nang marikit di awak wan di hati.
Sabaluman
bamandi-mandi, kulawarga Gusti Firmansyah bamagrip wan sumbahyang hajat
bajamaah. Imbah tu, badoa, sakira tahun ini tabaik pada tahun tadi. Sakira hidup
kulawarga, dingsanak, mamarinanya wan umat Islam sabarataan bauntung, batuah,
baiman. (*) [ysas]
(“Habar Banua”,
TVRI Kalimantan Selatan, Banjarmasin. Siaran Ahad, 10 Nupimbir 2013, Pukul lima
kamarian. Ratna Sari Dewi, TVRI Kalimantan Selatan, mahabarakan.)
Tidak ada komentar:
Posting Komentar