Banyu Pucirin TPA Basirih Masuk ka Sumur Warga

TVRI Kalsel, Banjarmasin -- Wayah turun hujan, urang Kampung Handil Palung asa marista. Banyu pucirin matan TPA Basirih masuk ka sumur wan banyu mandi warga. Ayungannya, warga ngalih mandi, batatapas wan bababasuh. Bujur masih tamasuk Banjarmasin, tagal pipa PDAM Bandarmasih baluman sampai di Kampung Handil Palung. Ujar Katua RT-nya, warga sudah rancak balapur ka Pamarintah Banjarmasin, tagal kadada hasilnya.

Warga Kampung Handil Palung mandua ratusan kapala kulawarga. Kampungnya pas di higa TPA Basirih. Lain pada jalan nang liwar rusak, mun hujan sumur wan banyu mandi warga bacampur banyu pucirin nang datang matan TPA Basirih. (*) [ysas]

(“Habar Banua”, TVRI Kalimantan Selatan, Banjarmasin. Siaran Ahad, 24 Nupimbir 2013, Pukul lima kamarian. Wiryanto Hadi, TVRI Kalimantan Selatan, mahabarakan.)