TVRI Kalsel,
Banjarmasin -- Mulyana, calun panumpang bis asal Sampit nang handak ka
Samarinda, paksa tamandak di Taksian Pal Anam, Banjarmasin, marga bubuhan supir
unjuk rasa ka DPRD Kalimantan Selatan.
Mulyana
sakulawarga paksa tapamalam di situ, marga kadada bis nang tulak ka Samarinda,
Kalimantan Timur. Isuknya, hanyar inya wan kulawarganya kawa babuat di Taksi
L-300 jurusan Tanjung. Matan Tanjung, basalin pulang ka taksi nang ka
Samarinda.
Marga tulak
batumbang tunggal dikitan tu, Mulyana sakulawarga liwar lapahnya. Tagal, inya
basukur jua, unjuk rasa bubuhan supir sahari haja, kada balawasan. Bujur musti
baganti taksi barapa kali, inya wan kulawarganya himung jua kawa tulakan. (*)
[ysas]
(“Habar Banua”,
TVRI Kalimantan Selatan, Banjarmasin. Siaran Ahad, 24 Nupimbir 2013, Pukul lima
kamarian. Ibnu Fatih, Sineda, TVRI Kalimantan Selatan, mahabarakan.)
Tidak ada komentar:
Posting Komentar