TVRI
Kalsel, Banjarmasin -- Ujar P.T. PLN, listrik di banua Banjar, Kalimantan
Selatan, sudah labihan. Listrik
sagan urang banyak, nang kaya lampu kartak, mustinya banyala haja wayah malam.
Lampu
kartak musti banyala wayah malam, sakira urang nyaman lalu lalang. Tagal, di
kartak Jalan Ahmad Yani, matan Gambut inggan Landasan Ulin, lampu sudah lawas
kada banyala. Kada sadikit warga nang tajungkang, tasarudup, taranjah lubak atawa
baranjahan, marga kakadapan.
Ujar
puhun gawi P.T. PLN, Yuddy Setyo Wicaksono, listrik PLN mayu haja pakai manyalai lampu kartak nang
ada di banua. Ujarnya, mun lampu kartaknya kada banyala, tu kada marga PLN
kakurangan listrik. Bisa jua lampunya pagat. Nang tanggung jawap maurusinya, ujarnya,
pamarintah banuanya.
Nang
dilihat TVRI Kalsel, banyak lampu kartak nang kada banyala wayah malam:
sapanjangan Jalan Ahmad Yani, tumatan Gambut, Kabupaten Banjar, inggan
Banjarbaru-Martapura. (*) [ysas]
(“Habar Banua”,
TVRI Kalimantan Selatan, Banjarmasin. Siaran Ahad, 17 Nupimbir 2013, Pukul lima
kamarian. TVRI Kalimantan Selatan, mahabarakan.)
Tidak ada komentar:
Posting Komentar