TVRI
Kalsel, Martapura -- Raja-Raja wan Sultan nang umpat Karapatan Raja-Sultan
sa-Borneo ayungannya mamilih Sultan Banjar Khairul Saleh jadi Sakutaris
Jindral, mambarinya galar “Yang Dipertuan Agung”. Sudah jua diulah Anggaran
Dasar wan Anggaran Rumah Tangga (AD/ART), sagan ingkutan bagawi.
Wayah
milad nang ka-509 Kasultanan Banjar (16/11/2013), Sultan Khairul Saleh dapat
hadiah pin wan plakat matan Carla Meeak Eisjma, urang Walanda nang bakulawarga
lawan Sultan Adam Al-Wasiq Billah.
Hari
itu jua, Kasultanan Banjar mambari galar wan hadiah sagan tatuha masyarakat, arjabat
pamarintah wan seniman budayawan nang dianggap bajasa manggaduh wan maharagu
seni budaya Banjar.
Kasudahannya,
ada pawai budaya matan wakil warga wan suku-suku nang ada di banua, tanda
kakulawargaan, karakatan dan karukunan di Nagara Kasatuan Ripublik Indunisia
(NKRI). (*) [ysas]
(“Habar Banua”,
TVRI Kalimantan Selatan, Banjarmasin. Siaran Ahad, 1 Disimbir 2013, Pukul lima
kamarian. TVRI Kalimantan Selatan, mahabarakan.)
Tidak ada komentar:
Posting Komentar