TVRI Kalsel, Banjarmasin -- Ombudsman Parwakilan Kalimantan Selatan maanggap unjuk rasa bubuhan duktur, kada patut. Ombudsman minta, rumah sakit managur duktur nang unjuk rasa. Wayah bubuhan duktur unjuk rasa, Ombudsman langsung mandatangi rumah sakit nang ada di Banjarmasin, tamasuk Rumah Sakit Ulin.
Ujar bubuhan Ombudsman, M.
Firhan, banyak cara sagan manampaiakan rasa sanasip sapananggungan lawan duktur
lain nang dihukum marga dianggap salah. Kada musti unjuk rasa.
Ujar M. Firhan, wayah
bubuhan duktur unjuk rasa, di Rumah Sakit Ansyari Shaleh banyak urang garing
nang kada dilayani, marga dukturnya kadadaan. Tu sudah malanggar aturan wan
Undang-Undang Rumah Sakit. Firhan handak, dudi-dudi bubuhan duktur jangan unjuk
rasa lagi. (*) [ysas]
(“Habar Banua”,
TVRI Kalimantan Selatan, Banjarmasin. Siaran Ahad, 1 Disimbir 2013, Pukul lima
kamarian. Ratna Sari Dewi, Fauzi Oku, TVRI Kalimantan Selatan, mahabarakan.)
Tidak ada komentar:
Posting Komentar