Sahari Imbah Unjuk Rasa, Supir Taksian Pal Anam Bacari Pulang

TVRI Kalsel, Banjarmasin -- Sahari imbah bubuhan supir unjuk rasa, isuknya Taksian Pal Anam, Banjarmasin, sudah tabulik asal. Taksi kuning, taksi L-300 wan bis samunyaan jurusan nang ada di Taksian Pal Anam sudah baangkutan pulang.

Adi, supir taksi L-300 jurusan Banjarmasin-Tanjung, bapadah, inya sudah manyupir pulang nang kaya biasa, maatar panumpangnya. Bujur Taksian Pal Anam sawat parai sahari, tagal panumpang tatap kada banyak, sama haja nang kaya hari lain.

Ujar Adi, bujur sawat kada bacari wayah umpat unjuk rasa samalam, tagal inya akur haja lawan kakawalannya, nang kada hakun pindah ka Taksian Pal Tujuh Blas, Kabupaten Banjar, tatap manaksi di Taksian Pal Anam, Banjarmasin. (*) [ysas]

(“Habar Banua”, TVRI Kalimantan Selatan, Banjarmasin. Siaran Ahad, 24 Nupimbir 2013, Pukul lima kamarian. Ibnu Fatih, Sineda, TVRI Kalimantan Selatan, mahabarakan.)