TVRI Kalsel, Banjarmasin --
Sasain tahun, warga Banjarmasin nang basarakan, sasain banyak. Kada tahu jua,
apa marganya. Tagal, Pangadilan Agama Banjarmasin sudah manangguh jua.
Bujur balum habis tahun,
tagal warga Banjarmasin nang basarakan tahun 2013 ni tabanyak pada tahun tadi.
Inggan bulan Uktubur samalam haja sudah 1.323 ungkara urang sarak di Pangadilan Agama Banjarmasin. Tahun 2012 tadi,
samunyaannya 1.455 haja.
Nang tabanyak, nang bini
manyarak lakinya. Tahun 2012 tadi, jumlah bibinian nang manyarak lakinya 1.089
ikung, padahal laki nang manyarak bininya 366 ikung haja. Artinya, bibinian
Banjarmasin tamasuk harat jua: wani manyarak lakinya. (*) [ysas]
(“Habar Banua”,
TVRI Kalimantan Selatan, Banjarmasin. Siaran Ahad, 10 Nupimbir 2013, Pukul lima
kamarian. Ratna Sari Dewi, Yusar Wardana, TVRI Kalimantan Selatan,
mahabarakan.)
Tidak ada komentar:
Posting Komentar