TVRI Kalsel, Banjarmasin --
Sabujurnya, gawian Pangadilan Agama kada sahibar maurus urang laki-bini nang
handak sarak. Nang iyanya, sabujurnya manangati, supaya urang kada jadi sarak,
supaya babulikan.
Tagal, ujar Plt. Katua
Pangadilan Agama Banjarmasin, Taberani, matan samunyaan ungkara nang ada, imbah
ditangati, paling talu parsinan laki-bini nang hakun babulikan lagi. Ujarnya,
sabaluman mamasukakan surat talak, baiknya laki-bini nang handak sarak minta
tangahi Pangadilan Agama. Lain pada ditangati agama, kasian kaina nasip anak
nang kawitannya basarakan.
Ujar Taberani, alasan urang
handak sarak kabanyakannya marga sudah kada bakabaikan: nang laki kada
batanggung jawap, bakalahi laki-bini, nang laki mamukuli nang bini, ada jua
marga narkuba. (*) [ysas]
(“Habar Banua”, TVRI
Kalimantan Selatan, Banjarmasin. Siaran Ahad, 10 Nupimbir 2013, Pukul lima
kamarian. Ratna Sari Dewi, Yusar Wardana, TVRI Kalimantan Selatan,
mahabarakan.)
Tidak ada komentar:
Posting Komentar