TVRI Kalsel, Banjarmasin -- Imbah Pamarintah Kalimantan Selatan mambariakan tanah Asrama Haji di Landasan Ulin, Banjarbaru, ka Kamantrian Agama Ripublik Indunisia, Tahun 2014 dihadap Asrama Haji cagar diluasi.
Ujar Kakanwil Kamantrian
Agama Kalimantan Selatan, Abdul Halim H. Ahmad, Kamantrian Agama Ripublik
Indunisia sudah maanggar duit Rp 5 miliar sagan maluasi Asrama Haji. Asrama
Haji sudah lawas handak dibaiki wan diluasi, tamasuk malangkapi sarabanya, tagal
tapakalang duitnya.
Wayah tanahnya masih ampun
Pamarintah Kalimantan Selatan, Pamarintah Pusat kada hakun manduiti. Imbah
dibariakan, hanyar Pamarintah Pusat hakun. Ujar Abdul Halim H. Ahmad, Asrama
Haji dibariakan salajur wayah Pamarintah Pusat manjulung DIPA Tahun 2014 sagan
Pamarintah Kalimantan Selatan. (*) [ysas]
(“Habar Banua”,
TVRI Kalimantan Selatan, Banjarmasin. Siaran Ahad, 15/12/2013, Pukul lima
kamarian. Ratna Sari Dewi, Junaedi, TVRI Kalimantan Selatan, mahabarakan.)
Tidak ada komentar:
Posting Komentar