TVRI Kalsel, Banjarmasin -- Dibanding banua lain di Indunisia, Kalimantan Selatan tamasuk nang paling aman. Bujur takananya ada jua unjuk rasa, tagal warganya rukun haja.
Bujur pina rukun
haja, jangan jua talalu himung. Wayah Pamilihan Umum (Pamilu) Tahun 1997
samalam, siapa sangka 23 Mei 1997 ada kajadian di Banjarmasin. Maginnya hadap
Pamilu 9 April 2014 kaina, samunyaan musti gawi sabumi, jaga-jaga, sakira
jangan bakajadian.
Marga itu, Pulisi
Banua Kalimantan Selatan mambawai bubuhan tatuha agama umpat mandangani
manjaga, sakira wayah Pamilu kaina banua Banjar tatap aman. Pulisi gawi sabumi
lawan tatuha agama, sagan mamadahi umat asing-asingnya.
Kapala Pulisi
Banua Kalimantan Selatan, Machfud Ariffin, wayah silaturahmi lawan bubuhan
lain-lain agama nang dibawai manjaga banua, bapadah, banua Banjar musti dijaga
sama-sama, sakira aman. Tatuha agama musti mamadahi umat
asing-asingnya, sakira akur wan rukun, sagan kamaslahatan sabarataan. (*)
[ysas]
(“Habar Banua”,
TVRI Kalimantan Selatan, Banjarmasin. Siaran Ahad, 15/12/2013, Pukul lima
kamarian. Syahril Malik, Budi Alamsyah, TVRI Kalimantan Selatan,
mahabarakan.)
Tidak ada komentar:
Posting Komentar