TVRI Kalsel, Kandangan -- Palajar Kabupaten Hulu Sungai Selatan (HSS) liwar himungnya dibawai umpat maramiakan karasmin 63 tahun umur “Bumi Antaluddin”. Kada arjabat wan argawai Pamarintah HSS haja nang bajurut datangan. Warga lainnya, banyak jua. Di Lapangan Lambung Mangkurat, samingguan ada “Expo Kandangan”.
Wayah mamugai karasmin,
Bupati Achmad Fikry umpat sacuritan malukis di kain nang panjangnya 63 dapa,
sasuai umur HSS, wan mamadahakan “Kandangan Banua Seni Budaya”.
Agustin, palajar
Kandangan, himung jua. Inya himung, bubuhan palajar dibawai manari. Ada jua
madihin sagan bubuhan kakanakan. Ihsan, palajar SMA Nagri 2 Kandangan, umpat
himung jua. Ujarnya, karasmin Hari Jadi HSS tahun ini liwar raminya, bubuhan
palajar jadi tahu jua lawan seni budaya banua.
Samingguan, banyak
kasanian Banjar nang ditampilakan: mamanda, bakuntau, wan lain-lain. Sendratari
Ramayana “Hanuman Duta” Posko La-Bastari Kandangan (nang suah main di Taman
Budaya Kalimantan Selatan, Banjarmasin), ada jua, tamasuk adat pangantin
bausung atawa usung jinggung. (*) [ysas]
(“Habar Banua”,
TVRI Kalimantan Selatan, Banjarmasin. Siaran Ahad, 08/12/2013, Pukul lima
kamarian. Dina Qomariah, Fauzi Ipau, TVRI Kalimantan Selatan,
mahabarakan.)
Tidak ada komentar:
Posting Komentar