TVRI Kalsel, Banjarmasin -- Parak Natal wan Tahun Baru 2014, panumpang kapal laut di Palabuhan Tri Sakti, Banjarmasin, tabanyak pada biasanya. Tabarungan jua, sakulahan parak paraian.
Ujar urang kapal
P.T. Dharma Lautan Utama di Banjarmasin, Boediono, nang kaya tahun samalam jua,
panumpang kapal laut tahun ini tabanyak pada biasanya. Lain pada hadap Natal
wan Tahun Baru 2014, sakulahan parak jua paraian.
Ujar Boediono,
calun panumpang kapal laut sudah banyak nang batampah karcis, sagan ka Jawa wan
Sulawesi. Ujarnya, urang sapalihan hakun bakapal laut pada bakapal tarbang.
Karcis kapal tarbang, liwar larang. Haraga karcis kapal laut, kada naik. Magun
haja nang kaya biasa. Galumbang laut, kada ganal jua. Kapal nyaman haja
balayar. (*) [ysas]
(“Habar Banua”,
TVRI Kalimantan Selatan, Banjarmasin. Siaran Ahad, 15/12/2013, Pukul lima
kamarian. Kadrianto Nurdin, TVRI Kalimantan Selatan, mahabarakan.)
Tidak ada komentar:
Posting Komentar